11 қараша күні Infiniti-дің Қазақстандағы ресми өкілі QX55 кроссоверін ресми таныстырды. Шара премиум жапон маркасының мегаполистегі автосалонында өтті.
Машина QX50-мен бір платформаны бөліседі. Екі көлік шанақ пішінімен ерекшеленеді. Салонында да айырмашылық бар, QX55-тің төбесі аласа болғандықтан, арттағы жолаушыларға тарлау болады.
Көбірек фотосуреттері мен толық техникалық сипаттамасын Kolesa.kz қосымшасындағы «Салонда тұрған жаңа автокөліктер» бөлімінен көруге болады.
Техникалық жағынан екеуі ұқсас. Жаңа машинаға 2 литрлік турбомотор орнатылады. 249 ат күшін (380 Нм) беретін агрегат Jatco вариаторымен және электронды басқарылатын көп дискілі муфтасы бар толық жетек жүйесімен жұмыс істейді.
Сатып алушы Luxe, Essential, Essential ProAssist және Essential ProActive жиынтығының бірін таңдай алады. QX55-тің бағасы 24.5 млн теңгеден басталады. Ал үздік нұсқасын алам десеңіз 30 млн теңгеден аса қаражат жұмсайсыз. Ал QX50-дің ең арзаны қазір 21.7 млн тұрады.
Дилерлер кроссоверге тапсырыс қабылдап жатыр, бірақ марканың ресми өкілдері берген мәлімет бойынша көлік автосалондарға желтоқсанда қойылады.
Комментариев: 0