Бірнеше жыл бұрын Model 3 бағдарламасы іске аспай, Tesla-ның басына бұлт үйірілгенде Илон Маск оны сатпақ болғанын айтты. Көп қаржы мен күш жұмсалған Model 3-ті өндіру қиынға соққанда салы суға кеткен Илон Маск оны қазіргі құнының оннан бір бөлігіне сату жөнінде Apple басшысына ұсыныс жасайды.
Ол кезде қандай сома айтылғаны белгісіз, бірақ компанияның қазіргі құны 500-600 млрд доллар екенін ескерсек, аса бай Apple үшін де бағасы тым қымбат көрінгені анық.
Ал қазір сату туралы сөз қозғаудың мәні жоқ. Себебі Tesla акциясы бір жылда 630 пайызға қымбаттады, оның үстіне, Apple өз электромобилін құрастырып жатыр. Apple-кар 2024-2025 жылдары жарық көреді деген болжам бар.
Бұл жағдай ертеректе болған бір оқиғаны еске түсіреді. Соғыстан кейін әкесінің компаниясын басқарған Генри Форд II Германияға барып, Volkswagen зауытын арзанға сатып алмақ болады, алайда оның болашағына күмәнданған кәсіпкер ойынан айнып қалған. 70 жыл өткен соң неміс концерні сатылған көлік саны бойынша америкалық компанияны шаң қаптырды.
Комментариев: 0