Hyundai жаңа буындағы Grandeur туралы қосымша ақпарат беріп жатыр. Бұл жолы флагман тек бензинді және бензоэлектрлі мотормен жабдықталатыны белгілі болды. Одан бөлек төрт есікті көлікке үш экраны мен проекциялық дисплейі бар медиажүйе орнатады. Машинаны кейбір ел тұрғындары келер жылдың екінші тоқсанында міне алады.
Hyundai Grandeur 300 ат күші мен 360 Нм момент беретін 3.5 литрлік бензинді қозғалтқышпен жүреді. Сонымен қатар кішілеу гибрид күштік құрылымы болады. 1.6 литрлік турбомотор мен электр қондырма 180 ат күші мен 265 Нм момент береді. Седанның мұндай нұсқасы отын шығыны барынша аз болғанын құп көретіндерге арналған сияқты. Өз отанында көлік басқа агрегатпен саудалануы мүмкін.
Жаңа буын алдыңғысынан 45 мм ұзын (5035 мм), ені — 2895 (+10 мм). Артқы бөлігінің 50 мм ұзаруы флагманға сән беріп тұр.
Су жаңа ccNC (connected car navigation cockpit) медиажүйесі алдыңғы панельдегі 12.3 дюймдік екі экран мен климат баптайтын 10.5 дюймдік дисплейден тұрады. Оған қоса проекциялық дисплейі болады. Hyundai өкілдері жаңа интерфейс барлық экрандағы мәліметті біртұтас дүние ретінде қабылдауға мүмкіндік береді дейді. Сонымен қатар мамандар цифрлы дыбысты өңдейтін ерекше алгоритм әзірледі, ол сапасы нашар тректің жақсы естілуіне жағдай жасайды.
Салон ішіндегі бейімді жарық жағдайға байланысты әртүрлі жанады. Рөлдегі күңгірт жарықтар да жүргізушінің әрекетіне сай өшіп-жанады.
Рөлі бірінші буындағы Hyundai Grandeur-ді еске салады. Компания оны седанның алғашқы суретін жариялағанда айтқан. Артқы тіреудегі үшбұрышты айна мен алдыңғы панельдің төртбұрыш пішіні де жаңа буынның дәстүрден тамыр үзбегенін аңғартады.
ӨТЕ АДЕМІ КӨЛІК