Hyundai жаңа электромобилін көрсетті

Компания Concept Three шоу-карының сериялық нұсқасын таныстырып, оны Ioniq 3 деп атады. Оның саудасы биыл Еуропада басталады және Түркияда жасалады.

1 / 6

• 
• 
• 
• 
• 
• 

1 / 6

Ұзындығы 4.2 метр, дөңгелек базасы 2.68 метр болатын электромобильдің сырт келбеті Veloster-ді еске салады, бірақ жаңа өнімде асимметриялық есік жоқ. Америкадағы басылымдар Ioniq 3-тің екіге бөлінген әйнегі бар жүксалғыш қақпағын Pontiac Aztec-пен салыстырды.

Интерьерде алдыңғы әйнекке жақын орналасқан ықшам цифрлық аспаптар панелі мен алдыңғы панельдің ортасындағы 14.6 дюймдік дисплей көзге түседі. Оның астында физикалық батырмалар блогы тұр. Мұндай комбинация тек үздік комплектацияға тән, қарапайым нұсқасы 12.9 дюймдік сенсорлы экранмен жабдықталады. Марка алдағы уақытта осындай Pleos OS жүйесіне негізделген экранды басқа жаңа модельдеріне, соның ішінде 2026 жылы шығатын Tucson-ға орнатады.

1 / 8

• 
• 
• 
• 
• 
• 
• 
• 

1 / 8

Ioniq 3-тің жабдықтар тізіміне жылытқыш пен желдеткіші бар орындықтар, сымсыз қуаттағыш, панорамалы шатыр, Bose аудиожүйесі және SmartSense ассистенттер жинағы кіреді.

Электрокар Kia EV3 және EV4 сияқты 400 вольттық E-GMP архитектурасына негізделген. Ол алдыңғы осьтегі 147 ат күшіне ие электромотормен және 42.2 кВт·сағ батареямен жүреді, қуаттаусыз 344 шақырым еңсереді. Long Range түрленімі 135 ат күшін беретін агрегат пен 61 кВт·сағ аккумулятор алады, оның жүріс қоры 496 км-ге жетеді. Екеуінің айналу моменті 250 Нм-ге тең.

Кейін топтамаға Ioniq 3 N қосылады, ол Kia EV3 GT-Line-ның екі моторлы күштік құрылымын (292 а.к.) алады.