Hyundai былтыр жазда таныстырған наносалқындатқыш пленканы дайындап жатыр. Жаңа өнім әдеттегі тонировкаға қарағанда салонды әлдеқайда салқын күйде сақтайды, оны «автомобиль әйнегіне арналған революциялық тонировка» деп атауға болады.
Nano Cooling Film-ның жұмыс принципі бұрыннан белгілі. Үш қабатты мөлдір пленка инфрақызыл диапазоннан келетін күн сәулесін жояды.
Күн 50 градусқа дейін ыстық болатын Пәкістанда пленка сынақтан өтіп, тиімді екені дәлелденді. Nano Cooling Film-ның арқасында машина ішіндегі температура күңгірттелген (тонировка) әйнекке қарағанда — 11 °C, ал стандарт әйнегі бар көлік салонына қарағанда 12.33 °C төмен болды.
Ішкі қабаттағы пленка да салонды жылудан жақсы сақтайтыны анықталды: температура әдеттегі тонировкасы бар автомобильге қарағанда — 15.38 °C, тонировкасы жоқ машинаға қарағанда 22 °C төмен болды.
Компания салқындатқыш нанопленканы көлікке орнатудан бұрын оның сапасын тексереді, сондай-ақ оны жеке өнім ретінде сатуы мүмкін.
Комментариев: 0