Кореялық концерн бұрын да жол талғамайтын көлік шығарған, кейін кроссоверге көп көңіл бөле бастады. CarsGuide басылымы берген ақпаратқа сенсек, енді Hyundai басшылары Toyota Land Cruiser-мен бәсекелесетін машина жасап жатқанға ұқсайды.
Жобаға қатысты нақты ақпарат жоқ. Болжам бойынша толық жетекті трансмиссияға ие темір тұлпардың клиренсі аса үлкен. Капот астына 3 литрлік алты цилиндрлі қозғалтқыш орнатылады. 278 ат күшін беретін турбодизель «тойотадағы» моторға қарағанда экологияға зияны аз. Машина Hyundai және Kia брендтерімен екі нұсқада ұсынылады.
Hyundai секілді алпауыттың жол талғамайтын көлік жасап, оны әлемдік нарыққа шығара алатынына еш күмән жоқ, әрине. Бірақ кроссовердің дәурені жүріп тұрған заманда бұл іс өзін ақтар ма екен?
Комментариев: 0