2024 жылдың аяғында Hyundai компаниясы Staria минивэнінің электрлі нұсқасын жасайын деп жатқаны белгілі болған. Бренд жаңа өнімді биыл ресми түрде көрсетпекші. Бірақ электрокардың прототипі Кореяда камуфляжсыз жүр.
Батареялы Staria тек қуаттау порты орналасқан ерекше бамперімен ерекшеленеді.
Staria EV-дің күштік құрылымы туралы ақпарат әлі жоқ, дегенмен көлік былтыр наурызда жарық көрген ST1 коммерциялық платформасындағы моторды алуы мүмкін. Ол 76.1 кВт·сағ батареядан қуат алатын 218 ат күші бар агрегат көмегімен қозғалады және жүріс қоры 289 шақырымға жетеді. Staria сыйымдылығы 84 кВт·сағ аккумулятор алуы мүмкін.
Бренд модельді алғаш 2021 жылы көрсетті, 2022 жылы Қазақстанға келді. Еліміздің автосалондарында минивэннің алдыңғы жетекті және 3.5 литрлік бензинді қозғалтқышы бар нұсқасы 20 млн теңге, ал 2.2 литрлік турбодизельмен жүретін толық жетекті автомобиль 21.7 млн теңге тұрады.
Комментариев: 0