Hyundai төрт есікті купе іспетті Sonata седанының сегізінші буынының фотосуреттерімен бөлісіп, ол жайлы аз-кем мәлімет берді. Ол марканың өткен жылғы Le Fil Rouge (HDC-1) концептісінің стилінде жасалған алғашқы автокөлігі болды.
Көліктің қақпағының шетін жағалай жарықдиодты күндізгі жүріс шамдарына қарай өтетін хромдалған жиектеме бірден көзге түседі.Темір тұлпар көлемі жағынан алдыңғы буындағы үлгіден 45 мм-ге ұзын, 25 мм-ге кеңдеу және 30 мм-ге төмен. Ал дөңгелектер базасы 35 мм-ге артқан.
Hyundai компаниясының үлгіні барынша қымбат көрсетуге тырысқаны салоннан да байқалады. Мұнда қос дисплей назар аудартады. Олардың алғашқысы аспаптар панелін алмастырса, екіншісі медиа көрсету мен автокөлік функцияларын басқаруға жауапты. Сонымен қатар дизайнерлердің көз үйренген автоматты қорап тетігінен бас тартқанын айта кеткен жөн. Оның орнына орталық консольде батырмалар орналасқан.
Hyundai Sonata-ның техникалық жағын бізге тек сәуір айында Нью-Йоркте өтетін автосалондағы таныстырылымнан кейін ғана баяндайды.
Комментариев: 0