Hyundai Қазақстан автонарығында жыл басынан бері көш бастап тұр

2024 жылғы сәуірде Қазақстанда 13 342 жаңа жеңіл көлік пен жеңіл коммерциялық техника және 855 жүк көлігі мен автобус өтті.

Қазақстан автомобильдер одағы бұл былтырғы сәуірмен салыстырғанда біршама төмен нәтиже екенін айтты. 2023 жылы сәуірде 14 373 машина иесін тапса, биыл көрсеткіш 14 197 ғана болды. Яғни, минус 1.2 %. Бірақ жалпы көрсеткіш көңіл қуантады. Жыл басынан бері автосалондар 53 644 көлік (+3.9 %) сатты.

Қазақстан автонарығында Hyundai талассыз көш бастап тұр. Кәріс бренді биыл төртінші ай қатарынан ТОП-10 тізімдегі бірінші орынды ешкімге бермеді. Сәуірде 3050 жаңа Hyundai өтті, бұл былтыр сәуірдегі көрсеткіштен 15.2 % аз. Екінші орында 1763 машина сатқан (-15.7 %) Kia тұр. Үздік үштікті Chevrolet (1477) түйіндеді, марка көрсеткіші былтырғыдан 63.1 % төмендеді. Қытайлық Chery (1058, + 49.4 %) мен Jac (1030, + 160.8 %) үздік бестікке енді.

2024 жылғы сәуір қорытындысы бойынша жаңа автомобильдер нарығындағы үздік 10 марка

Танымал модельдер тізімінде тағы Hyundai Tucson үздік шықты. Кроссовердің 2010 данасы иесін тапты. Бұл сәуірдегі жалпы «Хёндэ» саудасының үштен екісіне тең. Екінші орында бұрын елдегі ең өтімді модель болған Chevrolet Cobalt (1322 дана) тұр. Kia Sportage (887 дана) үшінші сатыға жайғасты. Үздік ондыққа енген өзге модельдердің көбі Қытай өнімі, олардың арасында Hyundai Elantra (9-орын) ғана бар. Яғни, сәуірдегі үздік 10 модельдің алтауы қытайлық.

1 / 10

• 
• 
• 
• 
• 
• 
• 
• 
• 
• 

1 / 10

Биыл алғашқы төрт айда Hyundai көліктері ең көп өтті. Марка дилерлері 12 336 машина саудалады. Бұл екінші орындағы Kia-дан (6638 дана) екі есеге жуық көп. Үшінші сатыда Chevrolet (4814) тұр.

2024 жылғы төрт ай қорытындысы бойынша жаңа автомобильдер нарығындағы үздік 10 марка