Биыл маусымда Онтарио тұрғыны Кристиан Мацорос үйіне қайтып бара жатып келеңсіз жағдайға тап болды, осыған байланысты кепілдік дауы туындады. Оның 2022 жылғы Hyundai Elantra N седанының қозғалтқышы трассада келе жатқанда кенеттен бұзылып, сол беті қалпына келмеген.
46 000 км жол жүрген автомобиль зауыттық кепілдікте болған (7 жыл немесе 140 000 км). Мацорос"Элантраны" дилерге сүйреп апарды, бірақ компания істен шыққан агрегатты тегін ауыстырудан бас тартқан. Ақаудың құны 10 000 Канада доллары (7 400 АҚШ доллары) болды.
Компания істен шыққан агрегатты тегін ауыстырудан бас тартқандықтан көлік автоорталықта әлі тұр, деп жазады Carscoops. Мацорос кепілдігі бар машина үшін ақша төлегісі келмейді.
Көлік иесі әлеуметтік желі арқылы БАҚ пен халықтан көмек сұрады. Ал Hyundai оның «Элантрасынан» алынған электронды басқару блогының дерегін жариялады. Одан Мацорос 276 ат күшіне ие 2 литрлік турботөрттікті бірнеше рет дұрыс пайдаланбағаны белгілі болды. Агрегат 6 сатылы механика қораппен жұмыс істейді. Мотор бұзылған сәтте жүргізуші қателесіп төменгі берілісті қосқан, яғни, бесінші емес, үшінші беріліске ауысқан. Салдарынан қозғалтқышқа шамадан тыс күш түскен. Бірақ мұны жүргізушінің мойындауы екіталай.
Дұрыс пайдаланбау, соның ішінде көлік құралының механикалық шегінен асып кету себебінен туындаған ақау кепілдік бойынша жөнделмейді. Клиент пен автоөндіруші арасындағы дау әлі біткен жоқ, екі тарап та өз дегенінен қайтпай отыр.
Бірақ бұл оқиға автоөндіруші заманауи автомобильдің компьютерінде сақталған дерекке сүйеніп, кепілдік міндеттемесінен бас тарта алатынын ұқтырды.
Комментариев: 0