Hyundai Palisade-тың шатыры биік нұсқасы болады

Hyundai Сеулдегі көрмеде Palisade-тың жаңа модификациясын таныстырды. Модельдің биіктігі екі метрден асты, жайлы салон алды. Hyundai мұндай экземплярды конвейерге қоюды жоспарлап отыр.

Palisade Highroof — Hyundai топтамасындағы Staria мен Carnival-дан кейінгі осындай үшінші модель. Кроссовер шатырының биіктігі – 237 мм. Соның арқасында салоны аса жайлы болады. Автомобиль жаңа 20 дюймдік дөңгелектер алды.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Компания интерьерін көрсеткен жоқ, тек сипаттамасын жариялады. Ресми мәлімет бойынша ортаңғы қатарға консольмен бөлінген жеке креслолар орнатылған. Консольде жылытатын, суытатын стақан қойғыш және сымсыз қуаттағыш бар. Төбеге үлкен дисплей жайғасты.

Бренд мұндай Palisade-ты үш қатарлы салонмен де, ерекше төрт орынды люкс модификациясымен де ұсынады. Екінші тоқсанда Кореяда гибрид жолға шығады. Алдын ала мәлімет бойынша ол 2.5 литрлік төрт цилиндрлі мотормен және 6 сатылы автоматқа орнатылған электромотормен жабдықталады. Қуаты 334 ат күшіне жетеді, 100 шақырымға 7 литр жанармай жұмсайды. Гибрид модельдің бастапқы бағасы — 49.82 млн вон (18 млн теңгеге жуық).