NHTSA таратқан ақпарат бойынша Солтүстік Америкада 2020 және 2022 жылдары шыққан Hyundai Palisade пен Kia Telluride-ты сервиске шақыру процесі басталайын деп жатыр. Бұл жалпы 281 447 автомобильді қамтиды, арасындағы Hyundai саны — 245 000.
Сервистік кампания жариялауға кроссоверлердің тұтану қаупі себеп болған. Ақау негізгі бөлшектен емес, қосымша жабдықтан табылыпты. Тарту-ілінісу құрылғысының сымы дұрыс қымталмағандықтан онда ылғал ауа жиналып, қысқа тұйықталуға әкелуі мүмкін. Тіркеме жабдығын қосатын резеткінің үздіксіз қуатталуы жағдайды ушықтыра түседі.
Кроссовердің тұтануы салдарынан зардап шеккендер туралы мәлімет жоқ, бірақ үш рет өрт шығып, сегіз рет сым балқып кеткен.
Hyundai мен Kia мәселені шешу бойынша әлі нақты жоспар құрмады. Дегенмен мамандар Palisade иелеріне қорғағыштардың бірін шығарып қоюға кеңес берді. Ал Telluride жүргізушілері мұндай шара қолдана алмайды.
Сонымен қатар автоөндірушілер тарту-ілінісу құрылғысы бар паркетник мінгендерден оны ғимараттар мен басқа көліктерден алыс қоюды сұрады. Аталған қосымша жабдығы бар кроссоверлер уақытша сатылмайды.
Комментариев: 0