Hyundai Mufasa кроссовері Қазақстанда қанша тұрады

Қазақстандағы Hyundai топтамасы тағы бір кроссовермен толықты. Жаңа өнім — марка Қытай нарығына арнап жасаған Mufasa. Ол Қытайда ix35-тің орнын басқан. Модельдің тұсаукесері 2023 жылы сәуірде өтті.

Mufasa-ның ұзындығы — 4475 мм, дөңгелек базасы — 2680 мм. Кроссовер 6 сатылы автомат қораппен жұмыс істейтін 160 ат күшіне ие (193 Нм) 2 литрлік мотормен жүреді. Машина алдыңғы жетекті. Біздің нарыққа арналған Mufasa Алматыдағы Hyundai зауытында жасалады.

1 / 5

• 
• 
• 
• 
• 

1 / 5

Автомобильдің екі комплектациясы болады: Lux және Top. былтыр шыққан машинаның бағасы — 13.8 млн, ал 2025 жылғы кроссовердің құны 13.9 млн теңгеден басталады.

Lux нұсқасы жылдамдықты шектегіш, круиз-бақылау, шина қысымы сезгегі, парктроник және артқы көрініс камерасы сияқты базалық электронды көмекшілер жинағымен жабдықталған. Жабдықтар тізіміне алдыңғы және бүйірлік қауіпсіздік жастығы, кілтсіз ашу жүйесі, 4 дюймдік дисплей, 12.3 дюймдік медиажүйе экраны, климат-бақылау, сымсыз қуаттау және т.б. кіреді. Жүргізуші орындығы электр көмегімен реттеледі, алдыңғы орындық пен айнаны жылыту мүмкіндігі бар.

1 / 8

• 
• 
• 
• 
• 
• 
• 
• 

1 / 8

Top комплектациясы көрінбейтін аймақты бақылау, жолақта ұстау, автоматты тежеу және айнала шолу камерасын қамтитын үздік электронды көмекшілер жинағын алған. Сондай-ақ машинада 12.3 дюймдік цифрлы аспаптар панелі, амбиент жарық және үздік аудиожүйе болады. 2024 жылы шыққан мұндай Mufasa — 14.2 млн теңге, 2025 жылғы көлік 14.7 млн теңге тұрады.