Жаңа модель биыл қыстан бері Еуропада және брендтің отаны Оңтүстік Кореяда бірнеше рет фотографтардың назарына ілікті. AX1 кодына ие Hyundai жаһандық модельге айналуы әбден мүмкін. Машинаның таныстырылымы биыл өтеді. Тіпті бірнеше тизері де дайын.
Кроссовердің шанағы Suzuki Jimny-ге ұқсағанымен, толық жетекті емес. Мұндайда жолсыз жермен жүру мүмкіндігі туралы айтудың өзі артық. Ал қозғалтқышына келетін болсақ, 100 ат күшіне ие 1,0 және 1,2 литрлік үш цилиндрлі бензинді мотор қойылатын сияқты. Олар механикалық және робот қораппен жұптасады. Стандартты жабдықтар тізімінде алдыңғы қауіпсіздік жастығы, ABS жүйесі, артқы парктроник және автоматты күңгірттелетін айна бар.
Hyundai AX1-дің Үндістандағы басты бәсекелесі ретінде Suzuki Ignis пен Tata HBX-ті атауға болады. Кореялық брендтің Еуропадағы ең танымал әрі шағын жол талғамайтын машинасы — Bayon. Оның бағасы 16,8 мың еуродан басталады.
Комментариев: 0