9 қыркүйекте Санкт-Петербургтегі «Хёндэ Мотор Мануфактуринг Рус» кәсіпорнының жанынан тағы бір өндірістік кешен ашылды. Онда Hyundai мен Kia моторлары шығарылады.
Бастапқыда зауыт тек 1.6 литрлік атмосфералы Gamma шығарады, ал 2022 жылдың соңына қарай қатарға 2 литрлік Nu қозғалтқышы қосылады. Мұнда жасалған моторлар Hyundai Solaris (Accent) және Creta, сондай-ақ Kia Rio және Rio X модельдеріне арналған. Кәсіпорын жылына 240 000-нан 330 000-ға дейін қозғалтқыш өндіреді.
Hyundai WIA цехы агрегаттарды механикалық өңдеу және соңғы құрастыру жұмысымен ғана айналысады. Ульяновск қаласында орналасқан мексикалық Nemak компаниясы 1.6 литрлік төрттікке арнап цилиндрлер блогын дайындайды, ал «УАЗ-Автокомпонент» иінді білік шығарады.
Санкт-Петербургте сериялы өндіріс қазан айында басталады, қазірше атмосфералы Gamma Қытайдан жеткізіледі. Дәл осындай мотор Алматыда құрастырылған Accent-ке орнатылады.
Комментариев: 0