Hyundai Motor-дың Ульсан мен Чонджу қалаларындағы өндіріс орындарының көбі 11 ақпанға дейін жұмыс істемейді. Мұндай кідіріс Қытай коронавирус салдарынан жаңа жылдық демалысты 9 ақпанға дейін ұзартқандықтан болып отыр. Аспан асты елінен жеткізілетін кабельдік жималар мен еспелер тапшы болғандықтан, Kia Motors компаниясы да K5, K3 седандары мен Bongo фургондарын өндіру қарқынын бәсеңдетті.
Егер жеткізу жұмыстары белгіленген мерзімнен кейін қайта басталмаса, Hyundai басқа жеткізушілерді іздеуге мәжбүр болады, бұл өндіріс жоспарына дә әсер етпей қоймайды, себебі 2019 жылы кореялықтар өз машиналары үшін 1.56 миллиард долларға қытайлық бөлшектер сатып алған.
Hyundai Азия елдеріне қауіпті вирус тарауы салдарынан көлік шығаруды тоқтатуға мәжбүр болған Қытайдан тыс алғашқы ірі өндіруші болып отыр. Ал Қытайдың өзіне қатысты айтар болсақ, мұнда Ford, PSA, сонымен қатар Nissan және Honda сынды көптеген ірі автоөндірушілердің конвейерлері тұралап қалды.
Бұл жағдай көрші Ресейді де айналып өтпесі анық. Бұл елдегі КАМАЗ, ГАЗ және Hyundai Manufacturing Rus зауыттары қытайлық бөлшектерді көптеп сатып алады, ал қысқа уақыт ішінде оларды ауыстыру қиынға соғады. Қазіргі уақытта КАМАЗ-да жеткізушілермен жұмыс істеп, балама іздеумен айналысатын жедел штаб құрылды.
Комментариев: 0