Hyundai биыл наурызда Elantra және Elantra Hybrid модельдерінің бір партиясын қауіпсіздік белдігін тартқыш (преднатяжитель) ақауына байланысты сервиске шақырған. Апат болған жағдайда құрылғының корпусы жарылып, металл шрапнель шашылуы мүмкін екен. Сол кезде бір адам зардап шекті деген ақпарат тарап, кампания 140 машинаны қамтыды. Енді мәселе әлдеқайда күрделі екені белгілі болды.
![Опасных ремней безопасности в Hyundai оказалось значительно больше](https://kolesa-photos.kcdn.online/kolesa-read/831053af162c5cdb39c1067406e933c1-full.jpg)
Соңғы мәлімет бойынша 239 мың Hyundai тексерістен өтуге тиіс. Бұл жолы 2022 жылғы Elantra ғана емес, 2021 жылы шыққан машиналар мен 2019-2022 жылдары конвейерден түскен Accent-те де кемшілік бары анықталды. Компания АҚШ-та Accent-тегі, Сингапурда «Элантрадағы» ақау салдарынан адамдар зардап шеккенін хабарлады. Соған қарағанда шараның жаһандық сипат алатын түрі бар.
Комментариев: 0