Hyundai Ioniq 9 кроссоверін көрсетті

Hyundai ең ірі батареялы кроссовері — Ioniq 9-ды таныстырды. Ол тек үш қатарлы салон және үш түрлі күштік құрылыммен сатылады. Ең ұзаққа шабатын нұсқасы 620 шақырым жүре алады. Өз отанында саудасы 2025 жылдың бірінші жартысында басталады, ал кейінірек Еуропа мен басқа аймақтарға жетеді.

Представлен Hyundai Ioniq 9 – самый большой батарейный кроссовер марки

Ioniq 9-дың сырт келбеті Hyundai Seven концептісіне ұқсайды, бірақ мамандар оны сериялық өндіріске бейімдеу үшін қарапайым қылған. Автомобиль алдыңғы бөлігіндегі пиксельді жарық техникасын және артқы бөлігі қайық сияқты ерекше дизайнын сақтап қалған. Жаңа өнімнің өлшемдері — 5060×1980×1790 мм, дөңгелек базасы — 3130 мм. Машина 19-21 дюймдік дискілермен жабдықталған және 16 түрлі шанақ реңкі бар.

1 / 12

ttps://www.hyundainews.com/en-us/releases/4305

Hyundai Ioniq 9 Calligraphy

1 / 12

Интерьері экологиялық таза материалдармен әрленген, сондай-ақ USB порт, көп аймақты климат-бақылау және екінші қатарға арналған тұтас диван немесе бөлек орындықтармен жабдықталады. Соңғы жағдайда орындықтарды толығымен бүктеуге немесе артқы диванға қаратып бұруға болады. Мультимедиа жүйесіне екі 12 дюймдік дисплейден тұратын үлкен экран және 8 динамик (стандарт комплектацияда) кіреді. Динамик санын 14-ке дейін арттыру мүмкіндігі бар. Батарея қуатын рөлдегі жасыл пиксельдер арқылы көруге болады.

1 / 16

Hyundai Ioniq 9 Calligraphy

1 / 16

Ioniq 9 Hyundai-ның басқа электрокарлары сияқты E-GMP платформасына негізделген. Модель барлық күштік құрылымға ортақ 110.3 кВт·сағ батарея алды. Жүріс қоры 620 шақырымға жететін базалық нұсқа артқы осьтегі 218 ат күшіне ие (350 Нм) мотормен жүреді, онымен көлік алғашқы жүздікті 9.4 секундта еңсереді. Орташа модификацияға алдыңғы дөңгелектерді айналдыратын 95 ат күші (255 Нм) бар қозғалтқыш қосылады, ал алғашқы жүздікті 6.7 секундта алады. Performance 218 ат күшін беретін екі мотормен жүреді және алғашқы жүздікті 5.2 секундта еңсереді.

1 / 13

Hyundai Ioniq 9

1 / 13

Толық жетекті нұсқалардың жүріс қоры әлі аталмады, бірақ мотор көрсеткіші қандай болса да, батареяны 10-нан 80 %-ға 24 минутта толтыруға болатыны белгілі, бірақ ол үшін 350 киловаттық станцияға қосылу керек.

Hyundai шетелге шығатын Ioniq 9-дың техникасына қатысты ақпаратты сауда басталар алдында жария етуге уәде берді. Батареялы машина нақты қай уақытта шекара асатыны белгісіз.

Комментариев: 0