Hyundai енді H-1 минивэнін шығармайды

Hyundai H-1 минивэнін өндірістен алды. Дәстүрлі Final Edition атауымен соңғы нұсқасы конвейерден түседі, содан кейін модель келмеске кетеді. Hyundai H-1 бренд топтамасына 1996 жылы қосылған, қазіргі екінші буыны 2007 жылы жарық көрді.

Hyundai H-1 Final Edition Таиландта ғана сатылады. Марка мұндай минивэнді аз мөлшерде өндіреді, бірақ нақты қанша данасы шығатыны белгісіз.

Final Edition стандарт H-1-ден әрлеу нюансы және комплектациясымен ғана ерекшеленеді. Мысалы, жаңа вэнде 9 дюймдік медиажүйе дисплейі, артқы жолаушыларға арналған қосымша аймағы бар климат-бақылау, 16 дюймдік дөңгелек дискісі және смарт бас оптика бар. H-1 Final Edition интерьері сарғыш былғарымен қапталған, үш түрлі шанақ түсінің бірін таңдауға болады: ақ, қара және хром декоры бар қоңыр түс.

1 / 7

• 
• 
• 
• 
• 
• 
• 

1 / 7

Таиландта Hyundai H-1 екінші және үшінші қатар орындығын реттеуге болатын 11 орынды микроавтобус ретінде сатылады. Машина 175 ат күшіне (441 Нм) ие 2.5 литрлік дизельді мотормен жүреді, агрегат 5 сатылы автоматпен жұмыс істейді.

Final Edition шамамен 1.5 млн бат (19.3 млн теңге) тұрады. Қазақстанда 2021 жылы жарық көрген Staria минивэнін алуға болады. Модель төрт комплектацияда қолжетімді, бағасы 20 190 000 теңгеден басталады.