Hyundai ең арзан электрокарын көрсетті

Hyundai марканың ең арзан батареялы өнімі болатын жаңа электромобильдің алғашқы суретін жариялады. Шағын кроссовер Еуропада Inster деп аталады. Ал өз елінде Casper Electric деген атпен шығады, өйткені ол бензинді Casper-дің платформасына негізделген.

1 / 6

• 
• 
• 
• 
• 
• 

1 / 6

Фотосуреттен Inster-дің техникалық жағы ғана емес, сырт пішіні де Casper-ге ұқсайтынын байқауға болады. Мысалы, жаңа өнімнің дөңгелек жарық техникасы мен рельефті капоты бар алдыңғы бөлігі бензинді модельді еске салады. Диодты шамы жаңарды, ол Ioniq топтамасындағы электрокарлар сияқты пиксельді стильде жасалған. «Инстердің» дөңгелек дискісі жаңа болады.

Машинаның техникалық жағына қатысты ешбір ақпарат жоқ, күштік құрылымының қуаты мен жүріс қоры қанша болатыны белгісіз. Hyundai Inster-ді Еуропада 20 мың еуродан төмен бағаға сатуды жоспарлап отыр.

Қазір әлемдегі көптеген автоөндіруші осындай арзан модель жасап жатыр. Мамырдың ортасында Қытайдың Leapmotor компаниясы Еуроодаққа аяқ басатынын мәлімдеген. Stellantis концернінің көмегімен компания Еуропада 3.6 метрлік T03 электрокарын саудаға шығарады, оның құны 20 мың еуродан арзан болады.