Hyundai электромобилі екінші рет «Жыл көлігі» атанды

Дәстүрлі World Car of the Year конкурсын ұйымдастырушылар 2023 жылдың қорытындысын жариялады. Hyundai қатарынан екінші рет «Жыл автомобилі» атанды, биыл да Ioniq электромобилі топ жарып отыр. Қазылар 2022 жылы Ioniq 5-ті үздік деп таныса, биыл бұл атақ Ioniq 6-ға бұйырды. Ioniq 6 бас жүлдеден бөлек «үздік дизайн» және «үздік электромобиль» сыйлығын алды.

WCOTY жеңімпазын 32 елден келген жүзден аса автомобиль журналисі анықтайды. Үміткерлер тізіміне әу баста 30 модель енген.

«Жыл көлігі» атағына Hyundai Ioniq 6-дан бөлек Kia Niro, BMW X1 және оның электрлі түрленімі iX1 үміткер болды.

1 / 4

• 
• 
• 
• 

Lucid Air

Kia EV6 GT

Hyundai Ioniq 6

Citroen C3

1 / 4

Ал люкс көліктер класында Lucid Air «Жыл үздігі» атанса, «үздік спорттық көлік» жүлдесін Kia EV6-ның атауында GT қосымшасы бар қуатты нұсқасы алды. EV6 жаңа Nissan Z пен Toyota GR Corolla-ны жеңді. «Шағын қалалық модель» номинациясын Citroen C3 иеленді.