Hyundai компаниясы жуырда тұсаукесері өтетін модельдің бірнеше тизерін жариялады. Суреттен қызыл түсті тежеуіш суппорттарын, спорттық көлікке тән бастырық пен газ шығару жүйесінің бір келтеқұбыры көрінеді.
Техникалық жағына келер болсақ, автокөлікке шамамен 280 ат күшін беретін екі литрлік бензинді турбомотор орнатылады. Ол қосарлы іліністі сегіз сатылы қораппен немесе алты сатылы механикамен жұмыс істейді. Машина толық жетекті болады деп күтудің қажеті жоқ.
Соңғы екі жылда Hyundai N индексті спорттық модельдер мен атауында N Line қосымшасы бар көліктерді белсенді жетілдіріп жатыр. Қазір олардың саны 10-ға жетіп қалды. Бұл көліктерді «күнделікті қолданылатын спорткар» деп атағанды жөн көретін компания, олардың машинаға құмар жандардың көбіне қолжетімді болатынын аңғартады.