Hyundai Creta электр күшімен жүреді

Hyundai электрлі Creta кроссоверін көрсетті. Ііштен жанатын қозғалтқышы бар рестайлинг нұсқасы қазір Үндістанда сатылып жатыр, батареялы модификацияның дебюті де осында өтеді. Компания Creta-ны бір электромотормен, бірақ екі түрлі аккумулятормен ұсынады. Электромобиль 17 қаңтарда Bharat Mobility көрмесінде жарық көреді және бағасы сол кезде белгілі болады.

Электрлі Creta жаңа «пиксельді» дизайны бар бамперлерімен және радиатор торының орнында тұрған жабық панелімен ерекшеленеді. Бұл панельде қуаттау порты жасырылған. Алдыңғы бампер белсенді ауа тартқыштармен жабдықталған. Аэродинамика үшін жасалған 17 дюймдік дискілер және Ocean Blue шанақ түсі қолжетімді. Салонында жаңа рөл пайда болды, ал трансмиссия селекторы рөл жаққа ауысты.

Hyundai қозғалтқыш қуатын әлі жарияламады, бірақ электромобильдің қарқыны туралы ақпарат берді. Creta Electric алғашқы жүздікті 7.9 секундта еңсереді, бұл оны ең қуатты бензинді Creta N Line моделінен бір секундқа жылдам етеді. Күштік құрылымының үш жұмыс режимі және «бір педальмен» жүргізу мүмкіндігі бар.

Жаңа Creta-ға 42 немесе 51.4 кВт⋅сағ аккумулятор орнатылады. Жүріс қоры ARAI циклі бойынша 390 немесе 473 шақырымды құрайды. Кроссоверде қуатты ток қабылдау мүмкіндігі жоқ, батареяны қуаттауға 1-4 сағат (құрылғы түріне байланысты) кетеді.

Үндістанда Creta Electric-тің негізгі бәсекелестерінің бірі Suzuki eVitara болуы мүмкін. Бренд Creta-ның дәстүрлі платформасын электр жетекке бейімдесе, Suzuki кроссоверін электромобиль ретінде әзірлеген, сондықтан оның аккумуляторының сыйымдылығы жоғары, жүріс қоры ұзаққа жететін және екі мотормен жабдықталған нұсқасы бар.