Ресей-Украина қақтығысына байланысты Санкт-Петербургтегі Hyundai зауыты биыл көктемде жабылды. Одан Алматыдағы Hyundai Trans Kazakhstan зауытына Accent пен Creta-ны құрастыруға арналған компоненттер жеткізілетін. Біраз уақыттан бері зауыт қолда бар қорға сүйеніп машина шығарды. Енді ол да таусылып, «Акцент» пен «Крета» өндірісі уақытша тоқтады.
Кореялық марка екі модельді біздің елдегі сайтынан алып тастады. Компания 22 тамызда ресми хабарлағандай, қазір автобөлшекті бұдан былай қайдан алу мәселесі мен жаңа логистика желісін құру қаралып жатыр. Бірақ олар жақын арада топтамаға оралмайды.
Ал көлігін күтіп жүрген клиенттерге компания өндіріс қайта басталғанша күтуді немесе басқа көлік таңдауды ұсынды.
Hyundai-нің Қазақстандағы топтамасы жақында Bayon кроссовері және 1.4 литрлік моторы бар i20 хетчбэгімен толығады. Олар Көлік құралының типін мақұлдау құжатын алды.
Комментариев: 0