Hyundai 20-дан аса жаңа электромобиль шығарады

Hyundai Инвесторлар күнінде жоспарын жариялады. Марка 2030 жылға дейін электромобиль топтамасын кеңейтеді. Hyundai және Genesis брендімен нарыққа 20-дан аса жаңа модель шығады, оның ішінде N Vision 74 концептісінің сериялы нұсқасы бар. Компания бұл суперкар конвейерге тұратынын алғаш рет ресми растап отыр.

Hyundai выпустит более 20 электрических новинок, включая суперкар

Hyundai N Vision 74 прототипін 2022 жылы таныстырған. Дизайны 1974 жылғы Hyundai Pony-ді еске салатын машина 680 ат күшіне ие күштік құрылыммен жабдықталады. Компания концептінің сериялы нұсқасын жасап жатыр деген ақпарат тараған. Әдеттегі жолға арналған 70 автомобиль және 30 трек суперкары шығады деген мәлімет бар, бірақ Hyundai мұны растаған жоқ.

1 / 7

Hyundai N Vision 74

1 / 7

Компания суперкар қашан шығатынын және қандай күштік құрылыммен жүретінін жария етпеді. Қазір сутекті машинаға сұраныс жоқ екенін ескерсек, купе электрлі болуы әбден мүмкін.

1 / 12

Hyundai Seven

1 / 12

Жаңа электромобильдер арасында Ioniq 9 туралы ғана мәлімет бар. Ол — 2021 жылғы Hyundai Seven концептісіне негізделген үлкен кроссовер. Тұсаукесері жыл аяғында Лос-Анджелестегі көрмеде өтеді. Марка Ioniq 9-ды Джорджиядағы жылына 300 мың автомобиль құрастыра алатын жаңа зауытында жасауды жоспарлап отыр.

Ioniq 9-дың электрокар болу ықтималдығы жоғары. Инвесторлар күнінде Hyundai қазір Қытайда қолданысқа енген, бірақ Кореяда әлі танымал емес күштік құрылымға қызығушылық танытты. Ол —электромотор мен дәстүрлі қозғалтқыштан тұратын гибрид құрылым. Hyundai басшылары мұндай автомобиль дәстүрлі моторы бар машинамен жүрген клиенттерді электромобильге ауыстыруда көпір рөлін атқарады деп сенеді. Концерннің жаңа күштік құрылымы дайын, Hyundai 2026 жылы АҚШ пен Қытайда осындай гибрид өндіре бастайды.

Hyundai онжылдықтың аяғына дейін әлемде жылына екі миллион электрокар сатуға ниетті.

Комментариев: 0