Hyundai 100 миллион автомобиль шығарды

Hyundai компаниясы керемет жетістікке жеткенін хабарлады. 30 қыркүйекте марканың 100 миллионыншы автомобилі конвейерден түсті.

Осы жетістікті атап өту үшін компания мерейтойлық Hyundai Ioniq 5 пен 1 000 001-ші электрокарды тұтынушыларға тікелей жеткізуді ұйғарды.

1967 жылы негізі қаланған автоөндіруші 1968 жылы алғашқы Pony моделінің өндірісін бастаді, компания алғашқы 50 млн машинасын шығаруға 45 жыл жұмсаса, 100 миллиондық межеге небәрі 11 жылда жетті. Қазір Hyundai-нің Кореяда ғана емес, Чехия, АҚШ, Үндістан және Түркияда ірі зауыттары бар.

Сондай-ақ марка Қазақстан сияқты бірқанша елде ірі торапты әдіспен көлік құрастыратын шағын кәсіпорындар ашқан. Алматыдағы өндіріс орны 2024 жылғы 8 айда 25 612 жеңіл автомобиль құрастырды.

Hyundai қыркүйекте мерейтойлық межеге жеткен жалғыз автоөндіруші емес. Бұған дейін BYD компаниясы New Energy Vehicle категориясына (гибрид, электромобиль) жататын тоғыз миллионыншы машинасын шығарған. Қытайлық автоөндіруші NEV санатындағы алғашқы миллион машинасын өндіруге 13 жыл уақыт (2008-ден 2021 жылға дейін) жұмсаса, 8 миллионнан 9 миллионға небәрі екі айда жетті.