Huawei ең ірі кроссоверін сата бастады

Huawei мен Seres құрған Aito маркасы флагман моделін саудаға шығарды. M9-дың салоны алты орынды, онда көптеген экран бар. Машина электрлі не гибрид болады. Бағасы 469 800-569 800 юань (30-36.4 млн теңге) аралығында.

Кроссовердің өлшемі — 5230×1999×1800 мм, дөңгелек базасы — 3110 мм. Демек ол BMW X7-ден 100 мм, қазіргі Range Rover-ден 200 мм ірі. Стиліндегі кей элемент Mercedes-Benz GLS моделін еске салады. Бірақ шағын анимация көрсете алатын оптикасындағы пиксельді ендірмелер ерекше көрінеді.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Салонның алдыңғы бөлігінде үш экран тұрады. Ортаңғысының көлемі — 15.6 дюйм, жолаушы 16 дюймдік дисплейді пайдаланады, ал ең кішісі — аспаптар панелі (12.3 дюйм). Қымбат нұсқасына әлдеқайда үлкен экран қояды. Медиатехниканың бәрін Huawei мамандары әзірлеген операциялық жүйе басқарады. Жоба авторлары 716 литрлік жүксалғыш пен ұсақ-түйек салатын 40-тан аса орын бар екенін атап өтті.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 21

Aito M9-дың барлық түрленімі толық жетекті болады. Гибрид 496 ат күшін беретін электромотор, 1.5 литрлік бензинді генератор және 42 не 52 кВт⋅сағат екі батарея көмегімен қозғалады. Электр күшімен 225-275 км жол жүре алады, дәстүрлі қозғалтқыш қосылса, 1400 шақырымды еркін еңсереді. Ал толық электрлі түрленім 530 ат күшіне ие мотормен және 97 киловаттық аккумулятормен жабдықталады, оның жүріс қоры 630 шақырымға жетеді. Модель күштік құрылымына байланысты алғашқы жүздікті 4.9 не 4.3 секундта алады.

Кроссоверді Seres концерні құрастырады. Ал софт пен электроника жасау, сату Huawei компаниясының мойнында. Бренд Aito топтамасын келер жылы Қытайда саны 800-ден асатын өз дүкендері арқылы саудалайды.