Ақшаның шетін көрсетсең болды, көмектесуге дайын тұратындар халыққа қызмет көрсету орындарында топ-тобымен жүреді.
«Жылпостар маза бермейді, бес мың теңге ұсынсаң, құжаттарды бір сағат ішінде рәсімдеп береді, барлығының ым-жымы бір!» — дейді «Нұр Отан» партиясының қалалық бөлімше төрағасының орынбасары Бахадыр Нарымбетов.
Партия мүшелері шырайлы қаланың тұрғындарына делдалдарға сенбеуге және олардан ұсыныс түскенде тиісті орындарға жүгінуге кеңес берді. Мұндай әрекеттерге кедергі келтіру үшін «Нұр Отанның» қалалық бөлімшесі мен мамандандырылған ХҚКО-ның басшылығы жемқорлыққа қарсы меморандумға қол қойды. Бұл іске жақында прокуратура да қосылмақ.
Шымкенттегі жалғыз халыққа қызмет көрсететін арнайы мекеменің жұмысын жеңілдету мақсатында Қайтпас шағынауданында қосымша бір мекеме ашу жоспарланып отыр.
Комментариев: 0