Hongqi L5 флагманы 700 000 доллар тұрады

Қытай Өнеркәсіп министрлігі жаңа буындағы Hongqi L5 седанының сертификатын жариялады. Демек сәнді седан өндірісі басталады. Негізгі клиент Си Цзиньпин бастаған ҚХР басшылары екені анық, бірақ седанды кез келген адам сатып ала алады. L5-тің бағасы 5 млн юаньнан басталады. Модельдің алдыңғы буыны 6 млн юаньға (820–830 мың доллар) дейін сатылды. L5 алдағы он жылда аспан асты еліндегі ең қымбат отандық автомобиль болатыны анық.

Автомобильдің алдыңғы бөлігі дәстүрге сай ретро стильде жасалған. Hongqi L5 марка 1950 жылдардан бастап жоғары лауазымды Қытай шенділеріне арнап шығарған CA72 индексті седанның идеологиялық ізбасары саналады.

Сертификаттағы дерекке сүйенсек, L5-тің өлшемі — 5980×2090×1710 мм, ал дөңгелек базасы — 3730 мм. Демек ол Mercedes-Maybach S-класс, Aurus Senat және Rolls-Royce Phantom-нан сәл үлкен. Капот астында 387 ат күшіне ие 4 литрлік V8 мотор тұр. Машинаның ең жоғары жылдамдығы — 220 км/сағ. Қозғалтқышты Hongqi инженерлері дайындаған, бірақ оны FAW концерні шығарады.

L5-тің сериялы нұсқасының интерьер суреті әлі жарияланған жоқ, бірақ седан салоны қандай болатынын Шанхай автосалонында көрдік.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Салонда бүкіл алдыңғы панель мен үлкен ортаңғы тоннельді алып жатқан дисплейлер жинағы бар. Артқы диван үш жолаушыға арналған, бірақ ортаңғы тоннель мен үлкен шынтақ тіреуіштің арқасында оны екі жеке креслоға өзгертуге болады.

Hongqi L5 қашан ресми саудаға шығатыны қазірше белгісіз.

Қазақстандағы ең ірі Hongqi седаны — ұзындығы 5137 мм болатын H9. Машина 245 ат күшіне (380 Нм) ие 2 литрлік 4 цилиндрлі мотормен жүреді. Бағасы шамамен — 40 млн теңге.