Hongqi HS5 кроссоверін жаңартты

Hongqi HS5 Қытай нарығына жаңарған нұсқада шықты. Автокөлік экстерьері брендке тән стильде жасалған, қозғалтқышы қуатты, қорабы жаңа. Ең арзаны 183 800 юань (11.7 млн теңге) тұрады. Қазақстанға маусымда келеді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Жаңарған Hongqi HS5-ті қытайлық дизайнерлер «сарқырама» деп атайтын және барлық жаңа көліктерге орнататын монументалды радиатор торынан танимыз. Көлік бампері өзгерген, оптика технологиялық сипатта жасалған, бүйір жағының пішіні сәл жақсарған. Артқы бөлігіне газ шығару жүйесінің жаңа келтеқұбырын және өзгеше шам орнатыпты. Бірақ жол талғамайтын көліктің габариттері өзгерген жоқ.

1 / 8

• 
• 
• 
• 
• 
• 
• 
• 

1 / 8

Екі экраны бар көліктің интерьері толық сақталған. Тек ортаңғы тоннелін өзгертіпті, батырмалар басқаша орналасқан, ал қорап селекторы әлдеқайда ыңғайлы етіп жасалған. Климат-бақылау жүйесін басқаратын сенсорлық блокты бұралатын үш реттегішпен алмастырған.

Бұрынғы модельдер сияқты бұл да 2 литрлік турботөрттікпен жүреді, қуаты 27 ат күшіне, ал айналу моменті 40 Нм артып, 252 ат күшіне және 380 Нм-ге жетті. Компания 6 сатылы роботты дәстүрлі сегіз диапазонды автоматқа ауыстырды, енді сатып алушылар моно және толық жетек арасынан таңдау жасайды.

Премиум брендтің Қазақстандағы ресми дистрибьюторы — Allur компаниясы. Тиісті келісімшарт жасалғаны сәуірде белгілі болды. Hongqi топтамасында төрт модель бар, оның екеуі седан, екеуі кроссовер. Автомобильдер дилерге маусымда жетеді. Марка көліктерін Allur жыл аяғына қарай Қостанайдағы зауытта құрастыра бастайды. Қазақстанға HS5 кроссоверінің реформаға дейінгі нұсқасы келетін сияқты.