Hongqi премиум бренді Қазақстанда жаңа моделіне көлік құралының типін мақұлдау құжатын алды. Ол — дөңгелек базасы 2.77 метр болатын, дизайны ерекше 4.65 метрлік HS3 кроссовері.
Hongqi HS3-ті былтыр Шанхай автосалонында таныстырған. Машина марка топтамасындағы ең жаңа модельдердің бірі.
HS3 жеті сатылы роботпен жұптасатын 156 ат күшіне ие (252 Нм) 1.5 литрлік турбомотормен немесе 8 сатылы автоматпен жұмыс істейтін 245 ат күшіне ие (380 Нм) 2 литрлік қозғалтқышпен жүреді. Моторының көлемі кіші кроссовер алдыңғы жетекті болады, ал 2 литрлік моторы бар машинада толық жетек опция ретінде болады.
Салонда 12.3 дюймдік цифрлы аспаптар панелі және мультимедиа кешенінің 12.6 дюймдік тік дисплейі тұрады.
Қазақстандағы көлік типін мақұлдау құжатында екі түрлі күштік құрылым да, 2 литрлік турбомоторға арналған толық жетекті трансмиссия да көрсетілген. Құжаттан Hongqi HS3 Қостанайдағы Allur өндіріс алаңында жасалатынын білуге болады. Мамандар машинаны ірі топапты әдіспен құрастырады. Жаңа Hongqi моделі Қазақстан нарығына қашан шығатыны туралы ресми ақпарат жоқ, демек автосалонға қашан жететіні де белгісіз.
Hongqi HS3 биыл маусымның аяғында Ресей нарығына шықты. Екі комплектацияда сатылатын машинаның бағасы 4 млн рубльден (21.3 млн теңге) басталады.
Комментариев: 0