Hongqi бір миллион доллар тұратын лимузин шығарды

Hongqi премиум бренді Қытайда жаңа моделін таныстырды. Ірі әрі аса сәнді Guoli — билік өкілдері мінетін L5-тің ізбасары. Жаңа өнім еркін сатылады, бірақ оған көп адамның қолы жете қоймас. Өйткені бағасы — 7 180 000 юань (447 млн теңге).

Hongqi Guoli алдыңғы модельдің стилін сақтағанмен, жаңа шанаққа ие болды. Ірі радиатор торы мен домалақ оптика орнын сақтап қалды, шамы көптеген «кристалдан» тұрады. Радиатор торында қанатты маскот тұр, оны жасырып қоюға болады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Флагман статусы салонның консервативті әрленуінен көрінеді. Онда екі-ақ дисплей бар, қосымша функциялар физикалық батырма көмегімен басқарылады. Артқы жолаушылар да сенсор қолдана алмайды, ортадағы шынтақ тірегішке бұрынғы батырмалар мен бұралатын реттегіштер қойған. Ал бүйірлік орындар аяқ тірегішпен, реттегіштермен, массаж және желдету функцияларымен жабдықталған.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Машинаның салмағы үш тоннадан асады, ұзындығы 6 метрге жуық, дөңгелек базасы — 3730 мм. Демек, көлемі жағынан ресейлік Aurus Senat пен Rolls-Royce Phantom-ға жақын. Алайда капот астындағы агрегат заманға сай дей алмаймыз, онда 388 ат күші мен 530 Нм момент беретін 4 литрлік V8 тұрады. Мотор 8 сатылы автоматпен жұмыс істейді. Жылдамдығы 220 шақырымға жететін Guoli 100 км-ге 15.2 литр бензин жұмсайды. Техникасына қатысты басқа мәлімет жоқ.

Жаңа көлік брендтің Golden Sunflower деп аталатын ең қымбат модельдерден құралған топтамасының бір бөлігі. Тізімге одан бөлек алты метрлік LS7, аты ауысқан Guoyao және сәл арзан L1 седаны кіреді.