Honda сериялық Prelude-ті көрсетті

Honda-ның Жапониядағы штаб-пәтері мен Америкадағы бөлімшесі Prelude-тің суреттерін жариялады. Бұл модель қайта оралады деген ақпарат алғаш рет 2023 жылы тараған еді. Автомобильдің кейбір сипаттамасы және Жапониядағы бағасы белгілі болды.

203 ат күшіне ие базалық Prelude елде 6 179 800 иенге (22.5 млн теңге) бағаланды. Civic Type R-дың құны 4 997 300 иеннен (18.2 млн теңге) басталады, ал 2 литрлік турбомоторы бар Toyota Supra 4 995 000 иен тұрады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Өлшемдері — 4520×1880×1355 мм, дөңгелек базасы — 2605 мм. Civic пен Prelude-тің ұзындығы бірдей, бірақ жаңа көлік аласа әрі жалпақ, ось арасындағы қашықтығы 130 мм қысқа. Мамандар купенің шассиіне ерекше бұрылыс механизмі бар алдыңғы аспа мен көп иінтіректі артқы аспа сияқты Type R моделіне тиесілі компоненттер орнатқан. Prelude үш жұмыс режиміне ие бейімді амортизатор, Brembo-ның төрт поршенді суппорты бар алдыңғы тежеуіш және 19 дюймдік қара дискілер алады.

Жаңа өнім Honda e:Hev гибрид жүйесімен жабдықталады. Ол 2 литрлік атмосфералы мотор мен екі электромотордан тұрады, жалпы қуаты 203 ат күшін (447 Нм) құрайды. Купе көбінесе электрлі құрылыммен жүреді. Спорттық сипат беретін S+ Shift жүйесі рөлдегі батырмалар арқылы сегіз сатылы беріліс ауысуын имитациялай алады. Бренд динамиктер арқылы дәстүрлі мотор дыбысын шығаратын аудиосинтезатор да қояды. Бұған дейін Prelude-те механикалық қорап болады деп болжанған, бірақ әзірге жүзеге аспады.

1 / 11

• 
• 
• 
• 
• 
• 
• 
• 
• 
• 
• 

1 / 11

Салоны негізінен Civic-тен алынған, бірақ өзгешеліктер бар. Prelude жүргізуші мен жолаушы орындықтарындағы бүйірлік тірегімен ерекшеленеді. Ортаңғы тоннельдің архитектурасы өзгерген, артқы диваны қарапайым.

Prelude бейресми түрде Civic топтамасының флагманына айналады және Type R сияқты спорткар ретінде емес, екі адамға арналған жайлы әрі үнемді және драйверлік сипаттағы көлік ретінде шығады. Жапонияда купе тек үздік комплектацияда сатылады. Жабдықтар тізіміне сегіз премиум Bose динамигі, екі аймақты климат-бақылау, былғарымен қапталған салон және Honda Sensing жүргізуші ассистенттерінің заманауи кешені кіреді. Компания шатыры қара және шанағы күңгірт Prelude Limited Edition ұсынады, оның бағасы — 6 480 000 иен (23.6 млн теңге). Honda өз елінде ай сайын 300 машина сатуды жоспарлап отыр.