Honda қайта жанданған Prelude-ті шілдеде көрсетеді

Компания былтыр күзде күтпеген концептіні Токиода ұсынды. Ол — жанкүйерлерге Prelude атауымен таныс екі есікті купе. Сол кезде бренд басшысы Тошихиро Мибе жақын болашақта спорткарды қайтаруға ниет білдірген. Honda Гудвудтағы жылдамдық фестивалінде Prelude-тің жаңарған нұсқасын биыл шілдеде көпшілікке көрсететіні белгілі болды.

1 / 7

• 
• 
• 
• 
• 
• 
• 

1 / 7

Техникалық сипаттамасы туралы ресми ақпарат жоқ. Жаңа модель гибрид болатыны анық. Жапониядағы БАҚ-тың хабарлауынша алдыңғы жетекті купе Accord және Civic модельдерінің күштік құрылымын алады. Ол 2 литрлік бензинді қозғалтқыштан, екі электрлі мотордан және eCVT-ден тұрады. Жалпы қуаты 215 ат күшін құрайды.

Honda Prelude негізінен Еуропа нарығына арналған. Оның автосалондарға шығатын уақыты әлі белгісіз.