Honda Prelude-тің жарысқа арналған нұсқасы шығады

Honda Жапонияда жергілікті Super GT сериясына қатысатын жаңа болидін көрсетті. Ол Prelude купесіне негізделген, бірақ тректе өнер көрсететін машина техникалық тұрғыда қарапайым нұсқасынан өзгеше болады. Prelude GT500 қазіргі Civic Type R моделінің орнын басады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Ресми суреттен купенің сырт пішініндегі өзгеріс анық байқалады, оның барлық шанақ панелі карбоннан жасалған. Prelude жаңа капот, бампер, диффузор және үлкен антиқанат алды. Сондай-ақ арка кеңейткішіне қарап, машинаның аспа жүйесі жаңарғанын аңғару қиын емес.

Стандарт Honda Prelude — 203 ат күшіне ие мотормен жүретін алдыңғы жетекті гибрид. Жарысқа арналған автомобиль 2 литрлік төрт цилиндрлі моторын сақтап қалған, бірақ қуаты 650 ат күшіне жетеді. Болид артқы жетекті. Марка басқа техникалық деректерді жариялаған жоқ, бірақ фотосуреттен газ шығару жүйесі оң жақ есіктен шығып тұрғанын көрінеді.

Prelude GT500-дің жапон трассаларындағы басты бәсекелесі Toyota Supra мен Nissan Z моделі болады.