Канада автоөндірісі тарихындағы ең үлкен инвестиция туралы ақпарат тарады. CBS Canada хабарлағандай, Honda Онтарио провинциясында электромобиль шығаратын толық циклді зауыт салу үшін 15 млрд Канада долларын (~ 11 млрд АҚШ доллары) жұмсайды.
Жаңа зауыт Торонтодан 100 км жерде орналасқан Алистон қаласындағы Honda кәсіпорны маңында салынады. Сондай-ақ мұнда жылына ГВт·сағ аккумулятор шығаратын жеке өндіріс базасы құрылады. Марка 2028 жылдан бастап зауытта жылына 240 мың электромобиль өндіруді жоспарлап отыр.
Toyota да Солтүстік Америкада электромобиль шығаруды жоспарлап отыр. Концерн үш қатар орындығы бар электрлі жол талғамайтын көлік шығаруға 1.4 млрд доллар жұмсайды. Ақша компанияның Принстондағы (Индиана штаты) зауытын жаңғыртуға және аккумулятор құрастыру желісін жақсартуға жұмсалады деп хабарлады Carscoops.
Honda мен Toyota Солтүстік Америкада ұзақ уақыттан бері табысты жұмыс істеп жатқанын ескерсек, билік олардың бизнесіне кедергі келтірмейтін шығар, ал Қытай автоөндірушілеріне керісінше суық қабақ танытып отыр.
Комментариев: 0