Honda электромобильге ауыспалы батарея орнатады

Қытайдың Nio компаниясы қолға алған электромобильдегі ауыспалы батарея концепциясы Жапонияда сұранысқа ие болды. Онда Honda компаниясы пилоттық бағдарламаны жүзеге асыру үшін Yamato Transport жеткізу қызметімен бірікті. Бұл туралы аустралиялық Carsales басылымы жазды.

Сынақ машинасын Honda MEV-Van деп атады. Бұл — N-Van e-ге негізделген, жүріс қоры 200 км батареялы фургон. Жаңа автомобильдің құрылымы кабинадағы еден люктері арқылы қолжетімді, тез ажыратылатын энергия модульдерін қолдануға мүмкіндік береді. Ал жеңіл салмағы мен ыңғайлы тұтқасының арқасында батарея блоктары қолдануға өте ыңғайлы.

Мұндай батарея қаладағы жеткізу қызметі үшін таптырмас дүние. Себебі оларда қуаттағыш пайдалану уақыты шектеулі және автопарк меншігіндегі қуаттау құрылғысын ұзақ уақыт қолдана алмайды. Сонымен қатар батарея блоктарын электр қуатына тариф арзан кезде қуаттауға мүмкіндік бар.

Yamato Transport мамандары шынайы сынақ кезінде ғана алынбалы батареяның жұмысын және қуаттау уақытын анықтауға болады деді. Honda өз кезегінде Индонезияда сатылатын EM1 e скутерлеріне осыған ұқсас батарея орнатты.