Honda болашақта шығатын седаны мен минивэнін көрсетті

Лас-Вегаста өтіп жатқан CES көрмесінде Honda екі прототипін жұрт назарына ұсынды. Honda 0 Series атауы бар электрокарлар брендтің батареялы топтамасы 2026 жылы өзгеретінін меңзейді. Экзотикалық түріне қарамастан, жоқ дегенде бір электрокар конвейерге тұрады.

1 / 7

• 
• 
• 
• 
• 
• 
• 

1 / 7

Серияға шығатын үміті бар концепт — оғаш шанақты Saloon. Ұзын, аласа көліктің алды мен арты бір-біріне ұқсас және есіктері «шағала қанаты» сияқты ашылады. Салонда ерекше рөл-штурвал, ірі экран бар және экологиялық таза материалдармен әрленген. Бұл электрокар қазіргі Accord-тың ізбасары атануы мүмкін.

Space-Hub деп аталатын екінші концепт Odyssey-дің орнын басатын сияқты. Минивэн сонымен бірдей стильде жасалған және шанағымен ғана ерекшеленеді. Honda жаңа модельдің сипаттамасында көліктің басым бөлігі әйнектелген дейді, бірақ вэннің арты толық жабылған. Бәлкім, шатыры толығымен панорамалы болар. Салонның жолаушыларға арналған бөліміндегі төрт орындық қарама-қарсы орнатылған, бірақ компания өкілдері өзгерту мүмкіндіктері көп екенін айтты.

1 / 5

• 
• 
• 
• 
• 

1 / 5

«Нөл» сериялы Honda электрокарлары GM-мен бірлесіп емес, жеке платформада жасалады. Олар жеңіл, әдемі және қазіргі батареялы машиналардан технологиялық тұрғыдан жақсырақ болады. Техникасына қатысты бір-ақ ақпарат бар, батареясы 15-тен 80 %-ға дейін 15 минут ішінде қуатталады.