Қытай баспасөзі 18 ақпаннан бастап Шанхай маңындағы автозауыт конвейері тоқтағанын хабарлады. Онда Қазақстанға да келіп үлгерген HiPhi электромобилі шығатын.
Өндірістің тоқтауына қаңтардың аяғындағы жаңа жылдық мереке себеп болған болуы мүмкін, Қытай кәсіпорындары мерекеге үш апта демалды. Бірақ инсайдерлер Human Horizons қаржылық қиындыққа ұшырағанын айтып жүр. Жергілікті Jiermian басылымы зауыт қызметкерлерінің жалақысы 18 ақпан мен 18 наурыз аралығында 70 % қысқарып, кейін ең төменгі жалақы төленетінін хабарлады. Сондай-ақ Қытайдың ірі қалаларында HiPhi маркасының дилерлері жабылады.
Қаржылық қиындық бренд өнімдері жақсы өтпегендіктен туындаған болуы мүмкін. 2021 жылы жұмыс бастаған зауыт жылына 150 мың машина өндіре алады, бірақ жылына 5 мың ғана көлік сата алды. Компания банкрот болуы да мүмкін.
HiPhi маркасы дизайны ерекше үш модель шығарды: X, Y және Z. Мұндай машиналар Қазақстанға да келген. Олар елге «сұр импорт» арқылы кірді, Y кроссовері 20 млн теңге, ал флагман Z моделі 48 млн теңге тұрады.
Комментариев: 0