Hennessey механикалық қорабы бар ең қуатты суперкар жасады

Hennessey тюнинг-ательесі механикалық қорабы бар әлемдегі ең қуатты сериялық суперкар жасап, тағы көзге түсті. Әйгілі Venom F5 родстерінің трансмиссиясы ғана ауысып қоймады. Автомобильді сериялық деуге келмейді, бірақ барлық машина әлден сатылып кетті.

1 / 9

• 
• 
• 
• 
• 
• 
• 
• 
• 

1 / 9

Родстер осы модель үшін арнайы жасалған Fury қозғалтқышымен жабдықталған. 6.6 литрлік V8 1842 ат күшін және 1617 Нм момент береді. Әдетте мотор 7 сатылы роботпен жұптасады, бірақ инженерлер F5-M нұсқасына CIMA компаниясының 6 сатылы механикалық қорабын орнатқан.

Италиялық және америкалық мамандар мотор мен қорапты жұптастыруға біраз күш жұмсаған. Hennessey агрегатты төменгі берілісте қызбайтындай етіп әзірледі. Мотор бірінші берілісте максимал айналым жасай алмайды. Бұл қозғалысты бірқалыпты бастауға көмектеседі.

1 / 3

• 
• 
• 

1 / 3

Жаңа трансмиссия мен оның компоненттері үшін карбон монококты және ортаңғы тоннельдің пішінін өзгертуге тура келді. Селектор консоль жаққа жайғасқандықтан дөңес пайда болды, Hennessey оны мұқият жобалаған екен. Жаңа селектор үшін алдыңғы панель өзгерді.

Родстердің сырт келбеті де жақсарды. Өзгерген ауатартқыштан бөлек, суперкар тұрақтандырғыш қызметін атқаратын 1.4 метрлік жүзбеқанатпен жабдықталды. Venom F5-M бірегей ливрея алды, бірақ басқа жүздеген нұсқа арасынан қажетін таңдауға болады.

Үш педальді суперкардың динамикалық сипаттамасы әлі белгісіз, дегенмен қарапайым родстер алғашқы жүздікті 2.5 секундта еңсереді, максимал жылдамдығы — 480 км/сағ. Басқа ақпарат машина сынақтан өткеннен кейін 2025 жылы жария болады. Hennessey Venom F5 Roadster-дің жалпы тиражы 30-дан аспайды, оның ішінде 12 дана F5-M бар.