Hennessey 1000 ат күшіне ие Chevrolet Camaro-мен қоштасады

Hennessey тюнерлері Chevrolet Camaro-ға негізделген Exorcist Camaro Final Edition жобасын таныстырды. Жаңа қуатты спорткардың бәсекелесі бұрынғыдай Dodge Challenger Demon болады. Оны шығарудағы мақсат — Camaro-ны тарих қойнауына жіберу. Chevrolet топтаманы 2024 жылдың басында өндірістен алып тастайды.

Exorcist Camaro-дан қозғалтқышымен ерекшеленеді. Мотордың негізінде 6.2 литрлік V8 блогы жатыр. Бірақ оның бастиегін жаңартып, агрессивті білік, өзгеше клапан және коллекторлар орнатады. Бұдан бөлек V8 кастомдық үрлем жүйесін алады.

1 / 8

• 
• 
• 
• 
• 
• 
• 
• 

1 / 8

Моторы 1000 ат күші мен 1310 Нм момент беретін машина сағатына 60 миль жылдамдықты 2.1 секундта алады, ал 9.57 секундта 402 метр жүріп өтеді. Ең жоғары жылдамдығы — 349 км/сағ.

Ателье басшысы Джон Хеннесси ерекше Exorcist 2017 жылы зауыттық тюнингпен шыққан Dodge Challenger Demon-ға жауап ретінде жасалғанын айтты. Қазіргі нұсқа Dodge маслкарының SRT Demon 170 индексті соңғы модификациясы болады. Екеуінің қуаты мен динамикасы ұқсайды. Компания өкілдері SRT Demon 170 тік жолдағы жарысқа арналған десе, Exorcist Camaro бұрыла алады екен.

Final Edition-ның сырт пішіні аса қатты өзгермейді. Тек сәйкес темір тақтайша, шанақ графикасы және автомобильдің партиядағы нөмірі жазылған тақтайша болады. Ателье Chevrolet Camaro-ның 57 жыл шыққанын ескеріп, 57 данасын ұсынады. Бағасын ательеден білуге болады.