Марка жаңа буындағы Haval H9-ды сәуірде көрсетіп, мамырда өндірісін бастаған, бірақ бағасын әлі жариялаған жоқ. Қытайдағы БАҚ таратқан шпиондық фотоға қарағанда бренд тосын сый дайындап отырған сияқты, Haval H9 заманауи көрінетін жаңа «бет-бейнемен» жарық көреді.
Haval H9-дың жаңа дизайнына сай шанақта хром деталь болмайды, мысалы, радиатор торы мен оптика айналасы күңгірт болады. Шамының пішіні өзгерді: бұрынғы домалақ жарық техникасының орнын заманауи тікбұрышты блок басты. Артқы жақта қосалқы дөңгелек орнына жаңа моноблокты шам мен шағын заттарға арналған бокс тұр.
Haval H9-дың стандарт нұсқасы
Бұған дейін шағын Haval Raptor осындай өзгеріске ұшыраған, ол да қырлы шам мен басқа радиатор торын алды. Оның мотор гаммасында да өзгеріс бар — Raptor гибрид құрылғыдан бөлек, қарапайым бензинді қозғалтқышпен жабдықталады. Haval H9-да мұндай жаңалық жоқ, модель сегіз сатылы автомат қораппен жұптасатын 224 ат күшін беретін бензинді мотормен немесе тоғыз сатылы қорабы бар 186 ат күшіне ие дизельді мотормен жүреді.
Haval Чэнду автосалонында H9-дың шанағы мен интерьері қара түсті total black стиліндегі ерекше нұсқасын ұсынады деген ақпарат бар. Мұндай жол талғамайтын көліктің шекті мөлшері жасалады. Модель тамыздағы көрмеде ресми саудаға шығуы мүмкін. Содан кейін компания өнімін басқа елдерге ұсыну мүмкіндігін қарастырады. Жарты жыл бұрын Haval жаңа H9-ды Ресейде сататыны белгілі болған.
Комментариев: 0