Haval H6 GT Қазақстанда жасалады

Қытай көліктерін шығаратын Алматыдағы AMMKZ зауытының топтамасы жақында тағы бір жаңа өніммен толығады. Ол — Haval H6 GT купе-кроссовері. Бұл модельді қазірдің өзінде Haval дилерлері сатып жатыр, бұрын Қытайдан тек дайын күйде келетін.

1 / 10

• 
• 
• 
• 
• 
• 
• 
• 
• 
• 

1 / 10

Haval H6 GT-дің ұзындығы — 4727 мм, ол қарапайым H6-дан ұзын, себебі спорттық бастырықпен жабдықталған. Дөңгелек базасы — 2738 мм. Жүксалғыш көлемі — 555 литр. Машина 204 ат күшін (320 Нм) беретін 2 литрлік турбомотормен және 7 сатылы роботпен жүреді.

Қазір H6 GT-дің елімізде тек толық жетекті нұсқасы сатылады, бірақ құжатта алдыңғы жетекті түрленімі тұр. Бұл осындай көлік конвейерге тұрады деген сөз емес, бірақ зауыт осы модификацияны шығарса, модельдің арзан комплектациясы пайда болады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Бүгінгі таңда Haval H6 GT-дің (Tech Plus нұсқасы) бағасы 16.7 млн теңгеден басталады . Жабдықтар тізіміне алдыңғы және бүйірлік эйрбэг, қауіпсіздік пердесі, сонымен қатар бейімді круиз-бақылау, автоматты тежеу, жолақта ұстау жүйесі сияқты көмекші электроника жинағы кіреді. Автомобильде екі аймақты климат-бақылау, алдыңғы орындықтарды желдеткіш, барлық орындықты, рөл, айна, әйнек пен әйнек жуғыш бүріккішін жылытқыш, 10.25 дюймдік цифрлық аспаптар панелі, проекциялық дисплей, 12.3 дюймдік мультимедиа экраны, 8 динамик, сымсыз қуаттағыш, электр көмегімен реттелетін орындықтар және электр жетекті жүксалғыш есігі бар.

Купе-кроссовер елде жасалатындықтан бағасы түсуі мүмкін.