Haval H5 Қазақстанда қанша тұрады

Соңғы бірнеше жылда Қазақстанда рамалы автомобильдің топтамасы белсенді түрде толығып, жаңаруда. Нарықтағы тағы бір жаңа модель — Haval H5-тің екінші буыны. 5.2 метрлік машинаның дөңгелек базасы 3.1 метр, клиренсі 200 мм, ол алғаш рет былтыр наурызда Қытайда жарық көрді.

1 / 7

• 
• 
• 
• 
• 
• 
• 

1 / 7

Haval H5 200 ат күші бар (380 Нм) 2 литрлік турбомотормен, 8 сатылы автоматпен және толық жетек жүйесімен жүреді. Жабдықтар тізімі екеу: Elite және Premium.

Elite нұсқасы 16 миллион теңге тұрады. Ол алдыңғы және бүйірлік қауіпсіздік жастығы, жүргізуші ассистенттерінің базалық жинағы, айнала шолу камера, артқы парктроник, жарық пен жаңбыр сезгегі, круиз-бақылау, жылдамдық шектеуіш, кілтсіз ашу, климат-бақылау, 12.3 дюймдік дисплейі бар медиажүйе, төрт динамикті аудиожүйе, алдыңғы және артқы орындықтарды, айна, рөл, әйнек жуғыш бүріккішін және екі әйнекті жылыту опцияларымен жабдықталған. Салоны жасанды былғарымен қапталған, орындықтары қолмен реттеледі.

1 / 3

• 
• 
• 

1 / 3

Үздік H5-тің бағасы — 17 млн теңге. Жабдықтар тізіміне ауқымды электронды көмекшілер жинағы, соның ішінде бейімді круиз-бақылау, жолақта ұстау және бақылау жүйелері, автоматты тежеу, жол белгілерін тану және т.б. кіреді. Автомобиль қауіпсіздік пердесі, жүксалғыш есігінің және жүргізуші орындығының электр жетегі, панорамалы шатыр, 6 динамикті медиажүйемен жабдықталады, ал рөл күшейткіші гидравликалық емес, электрлі. Haval H5-тің Premium нұсқасында 18 дюймдік дискілер орнатылған.