Haval Dargo жаңарды

Haval Қытайда кроссоверінің жаңарған нұсқасын ресми түрде көрсетті. Ел ішінде Dagou деп аталатын бұл модель шетелде Dargo ретінде танымал. Бұл жолы автомобильдің сырт келбеті мен салоны өзгеріп, қозғалтқыштары бұрынғы күйінде қалды. Жаңа Dargo Қытайда 17 шілдеден бастап саудаға шығады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Жаңа Dargo-ның экстерьердегі басты айырмашылығы — радиатор торы. Енді ол жиектері жұмыр келген тікбұрышты пішінге ие және өрнегі өзгеше. Былтыр пайда болған артқы П тәрізді жарық техникасында GWM аббревиатурасы бар. Түс палитрасына сұр және жасыл реңктер қосылды.

Салонында бұрынғыдай тік орналасқан ауа өткізгіштер мен жолаушы алдындағы ірі тұтқа қалғанымен, алдыңғы панельдің пішіні түгелдей өзгерді. Үлкейген медиажүйе экраны енді бөлек орналасады. Бұрынғы сенсорлы экранның диагоналі 12.3 дюйм болса, жаңасы — 14.6 дюйм. Оның тұнықтығы артты және жарыққа шағылыспайды. Медиакешенде Coffee OS 3 операциялық жүйесі тұр, бірнеше функцияны дауыспен басқаруға болады. Он шақты динамиктер бар.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Жаңа екі шабақты рөл концерннің басқа өнімдерінде қолданылады. Трансмиссия селекторы рөл жаққа ауысты. Алдыңғы орындықтар бұрынғыдан ыңғайлы.

Қытайда Haval Dargo 1.5 немесе 2.0 литрлік турбомотормен жабдықталады. Қуаты 184 және 238 ат күшін құрайды. 1.5 литрлік нұсқа 7 сатылы роботпен, 2 литрлік агрегат 9 сатылы қораппен және толық жетек жүйесімен жұптаса жұмыс істейді.

Жаңа өнімнің бағасы әзірге белгісіз. Бірақ премьера барысында компания Dagou алғаш шыққанда 600 мың данасы сатылғанын хабарлады.