Былтыр мамырда Harley-Davidson электрлі мотоцикл шығаратын LiveWire суббрендін құрды. Ол кезде топтамада бір ғана модель болатын. Енді LiveWire Del Mar деп аталатын екіншісі пайда болды.
Жаңа мотоцикл компания мамандары қала жағдайына сай әзірлеген S2 Arrow платформасына негізделген. Del Mar-дың 80 ат күшіне ие күштік құрылымы 200 келілік байктың алғашқы жүздікті 3.5 секундта алуына мүмкіндік береді. Қалада жүріс қоры 160 шақырымға жетеді.
Алғашқы жүз мотоциклге шеберлер Dunlop DT1-мен қапталған фирмалық дизайндағы дөңгелек орнатып, көлікті қолмен бояйды екен. Әр электроциклды әзірлеуге кемі бес күн уақыт кетеді.
Launch Edition нұсқасындағы 17.7 мың доллар тұратын барлық мотоцикл сатылып кеткені белгілі болды. Ал стандарт Del Mar-ды 15 мың долларға алуға болады. Техника тапсырыс бергендерге келер жылы көктемде жеткізіледі.
Комментариев: 0