«Хантер» мен «Буханка» ұзақ өмір сүреді

«Коммерсант» басылымына берген сұхбатында Ульяновск автозауытының бас директоры әрі Sollers холдингінің тең иесі Адиль Ширинов УАЗ-дың алдағы жоспары туралы айтты. Бизнесмен жаңа модельдік топтама пайда болған кезде зауыт «Буханка» мен «Хантерден» бас тартады деген болжамды жоққа шығарды.

— Ештеңеден бас тартпаймыз. «Буханканы» ол тұтынушыларға қажет болмай қалғанша жасай береміз, УАЗ «Хантер» жайлы да осыны айтуға болады, — деді Ширинов.

Оның сөзіне қарап өндіріс көлемі азайса да, кеңес кезінен келе жатқан екі модель зауытқа әлі де табыс әкелетінін білуге болады. УАЗ-469 1972 жылдан бері, ал УАЗ-452 1966 жылдан бері шығып жатыр.