Хакерлер миллиондаған Kia-ның осал жерін тапты

Тәуелсіз хакерлер тобы 2013 жылдан қазірге дейін жарық көрген миллиондаған Kia-ны баcқару әдісін тапты. Ол үшін көліктің нөмірін білу жеткілікті және автомобильді бұзудың қажеті жоқ. Carscoops хабарлағандай, бұл кемшілікті хакерлер жаз басында анықтаған. Компания хабарлама алғаннан кейін тергеу жүргізіп, тамызда ақауды түзеді, бірақ бұл туралы енді ғана белгілі болды.

Зерттеу авторлары Kia-ның дилерге арналған қызметтік порталына кіргендерін айтты. Сол арқылы олар көлік иесінің аты-жөні, мекенжайы және телефон нөмірі сияқты ақпарат алыпты. Есептік жазбаны қолға түсірген хакерлер көліктің есігін ашып, қозғалтқышты іске қосуға немесе өшіруге мүмкіндік алған.

Хакер шабуылына төтеп бере алмайтын модельдер тізіміне Seltos, Soul, Sorento, Sportage, Stinger, Forte, Niro, Telluride және EV6 және EV9 электрокарлары кірген.

Хакерлер арнайы бағдарламалық жасақтама арқылы көлікті бұзуға шамамен 30 секунд жұмсапты. Зерттеушілер бұл бағдарламаларды таратпайтынын атап өтті, себебі ол эксперимент үшін жасалған. Компания табылған ақауды жойды.