Great Wall-дың алғашқы мотоциклі саудаға шықты

Концерн мамырда көрсеткен алғашқы мотоциклін сата бастады. Souo S2000 — 8 цилиндрлі оппозит мотор және ұзақ сапарға арналған ыңғайлы жабдықтардың кең жинағын алған үлкен круизер. Бағасы 218 880-288 800 юань (15-20 млн теңге) аралығында.

1 / 7

• 
• 
• 
• 
• 
• 
• 

1 / 7

Ұзындығы 2660 мм, биіктігі 1540 мм және дөңгелек базасы 1810 мм болатын мотоцикл сырттай Harley-Davidson мен Honda-ның осы кластағы модельдеріне ұқсайды, бірақ үлкен ауа өткізгіш және заманауи жарық техникасымен жабдықталған винтажды алдыңғы бөлігімен ерекшеленеді. Артқы жағына екі кофра немесе арқа сүйеуге болатын үшінші бокс орнатуға болады. Салмағы — 450-461 кг.

Мотоциклдің екі литрлік қозғалтқышы 154 ат күшін береді және кері берілісі бар 8 сатылы роботпен жұмыс істейді. Souo S2000-ның максимал жылдамдығы — 210 км/сағ. Динамикасы туралы ақпарат жоқ, бірақ кейбір есеп бойынша круизер алғашқы жүздікті шамамен 4 секундта еңсереді.

Жабдықтар тізіміне 12.3 дюймдік цифрлы аспаптар панелі, жылыту жүйелері, жел әйнегін электрлі реттеу функциясы, заманауи аудиожүйе және тағы басқа кіреді.

Бұған дейін Great Wall басшылары Souo-ны ауқымды топтамасы бар жеке брендке айналдыру жоспары жөнінде айтқан. Алайда концерн мотоцикл жаппай сатылмайтынын мойындап, Souo мотоциклдері үлкендерге арналған ойыншық болып қалатынын және ол имидж үшін қажет жоба екенін атап өтті.