«Гольфтің» келесі буыны электрлі болады

AutoExpress хабарлағандай, 2024 жылы фейслифтингтен өткен соң қазіргі, сегізінші буындағы Volkswagen Golf онжылдықтың соңына дейін конвейерден түспейді. Бірақ концерн одан ертерек «Гольфтің» ізбасары саналатын электромобильді таныстырады.

Golf атауы сақтала ма, әлде жаңа өнім ID.2 деп атала ма белгісіз, өйткені ол марка топтамасында қазіргі ID.3 электрохэтчбегінен төмен тұрады. Машина 2025 жылдан кейін сатылымға шығады, кейінірек қуатты GTI және R түрленімі жарық көреді. Компания бірнеше жыл бұрын сериялы ID.3-тен жасалған концептуалды ID.X (суретте) хот-хэтчін көрсеткен, ол толық жетекті, 329 күші бар және алғашқы жүздікті 5.3 секундта еңсеретін машина.

1 / 5

• 
• 
• 
• 
• 

Volkswagen ID.X

Volkswagen ID.X

Volkswagen ID.X

Volkswagen ID.X

Volkswagen ID.X

1 / 5

Британиялық басылым жаңа архитектура қозғалтқышты алдыңғы және артқы оське қоюға мүмкіндік беретінін хабарлады, соның арқасында толық жетекті R түрленімі шығады. Толық жетек қазіргі VW Polo/T-Cross немесе VW Golf/T-Roc сияқты ID.2 кросс-нұсқасында да (стандарт немесе опция ретінде) болады.

Еуро-7 қолданысқа енетін уақыт жақындады, сол үшін Golf-тен бөлек концерннің Tiguan, Touareg сияқты танымал модельдері де электрлі болады.